திருவள்ளூர் : திருவள்ளூர் மாவட்டம் பொன்னேரி தொகுதி மீஞ்சூர் நகர திமுக சார்பில் தமிழக முன்னாள் முதல்வர் பேரறிஞர் பெருந்தகை அறிஞர் அண்ணாவின் 55 ஆவது நினைவு தினத்தை முன்னிட்டு மீஞ்சூர் நகர திராவிட முன்னேற்றக் கழகத்தின் சார்பில் அமைதி பேரணி ஊர்வலம் நடைபெற்றது. பேரணியானது மீஞ்சூர் பஜார் பகுதி பெட்ரோல் பங்க் அருகே மீஞ்சூர் பேரூர் கழக செயலாளர் தமிழ்உதயம் தலைமையில் அறிஞர் அண்ணாவின் திருவுருவ படத்தினை நிறுவி மாலை அணிவித்து மரியாதை செலுத்தி, திராவிட முன்னேற்றக் கழகத்தின் கொடியினை ஏற்றி வைத்து வட்டாரத்தில் அடங்கிய அனைத்து பொறுப்பாளர்களுடன் துவங்கி பஜார் வீதி முழுவதும் அமைதி பேரணியாக வலம்வந்து புதிய பேருந்து நிலையத்தில் முடிவு பெற்றது. அதனைத் தொடர்ந்து அங்கு அமைந்துள்ள அறிஞர் அண்ணா, தந்தை பெரியார், டாக்டர் அம்பேத்கர், உள்ளிட்டவர்களின் திருவுருவ சிலைகளுக்கு மாலை அணிவித்து மரியாதை செலுத்தப்பட்டது. இதில் மீஞ்சூர் நகரத்தில் அமைந்துள்ள அனைத்து திராவிட முன்னேற்ற கழகத் தொண்டர்கள் திரளானோர் கலந்து கொண்டு சிறப்பித்தனர்.
திருவள்ளூரில் இருந்து குடியுரிமை நிருபர்
திரு. பாபு
