திருவள்ளூர்: திருவள்ளூர் மாவட்டம்,பொன்னேரியில் நடைபெற இருக்கின்ற 2024-பாராளுமன்றத் தேர்தலில் அனைவரும் வாக்களிக்க வேண்டி விழிப்புணர் பேரணி நடைபெற்றது. பொன்னேரி கோட்டாட்சியர் அலுவலகத்தில் இருந்து தொடங்கிய இந்த பேரணியை பொன்னேரி சார் ஆட்சியர் வாகே சங்கத் பல்வந்த் துவக்கி வைத்தார். தேர்தலில் அனைவரும் வாக்களிக்க வேண்டும் என்பதை வலியுறுத்தி கோஷங்கள் எழுப்பி பொன்னேரியின் முக்கிய வீதிகளில் சென்று வந்த இப்பேரணியில் பொன்னேரி வட்டாட்சியர் மதிவாணன், கோட்டாட்சியரின் நேர்முக உதவியாளர் சுரேஷ், தேர்தல் துணை வட்டாட்சியர் கனகவல்லி, துணை வட்டாட்சியர் சீனிவாசன், பொன்னேரி வருவாய் அலுவலர்கள் மற்றும் பணியாளர்கள் பொன்னேரி உலகநாத நாராயணசாமி கலைக் கல்லூரி மாணவ மாணவியர்கள், தேர்தல் பணியில் ஈடுபடும் பிற துறை விளையாட்டு அலுவலர்கள் மற்றும் பொதுமக்கள் கலந்து கொண்டனர்.
திருவள்ளூரில் இருந்து குடியுரிமை நிருபர்
திரு. பாபு
