பாராட்டு சான்றிதழ் வழங்கும் விழா

செங்கல்பட்டு : செங்கல்பட்டு மாவட்டம் பம்மலில் நம் பள்ளி நம்ம வீடு உதவும் நண்பர்கள் சங்கமம் சார்பில் 3 ஆம் ஆண்டு பள்ளி மாணவர்களுக்கு கல்வி ஊக்கத் தொகை, பாராட்டு சான்றிதழ் வழங்கும் விழா 30 – 06 – 2024 ஞாயிறு அன்று நடைபெற்றது. சென்னை பல்லாவரம் அடுத்த பம்மல் தனியார் மண்டபத்தில் நம் பள்ளி நம் வீடு உதவும் நண்பர்கள் சங்கமம் சார்பில் அரசு ஆதிதிராவிடர் மேல்நிலைப்பள்ளி மாணவர்களுக்கு கல்வி உதவி தொகை மற்றும் பாராட்டு சான்றிதழ் வழங்கும் விழா காலை 10.00 மணி முதல் 1.30 வரை சிறப்பாக நடைபெற்றது. இந்நிகழ்ச்சியில் சிறப்பு விருந்தினராக மனித நேயர்” உதயகுமார், “கர்மவீரர் காமராஜர்” அவர்களின் பேத்தி, கமலிகா காமராஜர், துணை இயக்குனர் நோபில், பத்திரிகையாளர் சங்கத்தலைவர் தோழர் DSR சுபாஷ், புதுவை கலைசங்கம் ஆரா, PTA அருண், நாவரசு,வினோத், ஸ்டாலின் பாரதி, டாக்டர் சஞ்சனா, திரைப்பட உதவி இயக்குனர் வினோ பிருந்தா உட்பட பலர் கலந்து கொண்டு சிறப்புரையாற்றி 2022-23 ஆம் ஆண்டில் பொது தேர்வில் அதிக மதிப்பெண்கள் எடுத்த அரசு ஆதிதிராவிடர் மேல்நிலைப்பள்ளி மாணவ, மாணவிகளுக்கு ரூபாய் 2 லட்சம் மதிப்பில் ஊக்க தொகை மற்றும் பாராட்டு சான்றிதழ் வழங்கி வாழ்த்து தெரிவித்தனர்.

இந்த விழாவில் பள்ளி மாணவ, மாணவிகள் நடனம் ஆடி கவிதை படித்து அனைவரையும் ஆனந்தத்தில் ஆழ்த்தினர். இதில் பள்ளி தலைமை ஆசிரியர், ஆசிரிய பெருமக்கள் உட்பட ஏராளமான பெற்றோர்கள் கலந்து கொண்டனர். நம் பள்ளி நம் வீடு உதவும் நண்பர்கள் சங்கமம் குடும்பத்தினர்கள் அல்லாபகேஷ், கனகராஜ், திலகவதி ரீட்டாபணு, நீலாவதி பரிமளப்பிரியா, மெர்சிராணி, ரூபாகரன், சித்ரா, அப்துல்ரகமான், வெங்கடேசன், ஆரோக்கியமேரி, வெள்ளத்தாய், வாசு, மோகனசுந்தரம், பிரபாகரன், ஜெயக்குமார், சார்லஸ் கோமகன், அந்தோணி, தனசேகர், ஜானகிராமன், விஜயா, ஸ்டெல்லாமேரி, ஆகியோர் மிகவும் சிறப்பாக இந்த விழாவை ஏற்பாடு செய்திருந்தனர்.

நமது குடியுரிமை நிருபர்