செங்கல்பட்டு: ஒவ்வொரு வருடமும் மாணவர்களின் தனித்திறமையை வெளிகொண்டு வரும் விதமாக தமிழக அரசு கலைத்திருவிழா நிகழ்ச்சியை நடத்தி வருகிறது. 2024-25 கல்வியாண்டின் கல்வி திருவிழா நடைபெற்று வருகிறது. பல்வேறு போட்டிகளில் மாணவர்கள் பள்ளி வாரியாக தத்தம் தனித் திறமைகளை வெளிப்படுத்தி வருகின்றனர். அதன் அடிப்படையில் கடந்த வாரம் நடைபெற்ற மாவட்ட அளவிலான கலைத் திருவிழா நிகழ்ச்சியில் சதுரங்கப்பட்டினம் அரசு மேல்நிலைப்பள்ளி 12 ஆம் வகுப்பு மாணவர்கள் மாவட்ட அளவில் முதலிடம் பிடித்து மாநில அளவிலான போட்டிக்கு தேர்வாகியுள்ளனர். பதினோராம் வகுப்பு மற்றும் பத்தாம் வகுப்பு மாணவர்கள் மாவட்ட அளவில் இரண்டாம் இடம் பிடித்துள்ளனர். மாநில அளவில் பள்ளியின் பெருமையை பறைசாற்றிய மாணவர்களுக்கு சதுரங்கப்பட்டினம் அரசு மேல்நிலைப்பள்ளி மேலாண்மை குழு சார்பில் வாழ்த்துக்கள் மற்றும் பாராட்டுகள் தெரிவித்துக் கொண்டனர்.
செங்கல்பட்டில் இருந்து நமது குடியுரிமை நிருபர்
அன்பழகன்
