செங்கல்பட்டு: செங்கல்பட்டு, செப். 13.செங்கல்பட்டு அரசு மருத்துவ கல்லூரி கலையரங்கத்தில் பள்ளி கல்வித் துறையின் சார்பில் நான் முதல்வன் உயர்வுக்கு படி என்ற மாவட்ட அளவிலான பயிற்சிகளை மாவட்ட ஆட்சியர் துவக்கி வைத்தார். செங்கல்பட்டு அரசு மருத்துவக் கல்லூரி கலையரங்கத்தில் பள்ளி கல்வித் துறையின் சார்பில் 2022-2023 மற்றும் 2023 – 2024 ம் கல்வியாண்டில் மேல் நிலை தேர்வில் தேர்ச்சி பெற்று கல்லூரி சேராத மாணவ, மாணவியர்களுக்கான நான் முதல்வன் உயர்வுக்கு படி என்ற மாவட்ட அளவிலான பயிற்சிகளை மாவட்ட ஆட்சியர் அருண்ராஜ் துவக்கி வைத்தார்.
இந்நிகழ்ச்சியை தொடர்ந்து, அக்ஷயா கலை மற்றும் அறிவியல் கல்லூரியில் ஒரு மாணவனுக்கும், அறுபடை வீடு கலை மற்றும் அறிவியல் கல்லூரியில் 2 மாணவி களுக்கும் மற்றும் வேல்ஸ் பொறியியல் தொழில்நுட்ப கல்லூரியில் ஒரு மாணவிக்கும் மாவட்ட ஆட்சியரால் நேரடி சேர்க்கை நடைபெற்றது.இதில் செங்கல்பட்டு சப் கலெக்டர் நாராயண சர்மா, மாவட்ட முதன்மை கல்வி அலுவலர் கற்பகம் மாவட்ட வேலைவாய்ப்பு அலுவலர் தணிகைவேல், மாவட்ட ஆதிதிராவிடர் மற்றும் பழங்குடியினர் நல அலுவலர் பரிமளா, மாவட்ட முன்னோடி வங்கி மேலாளர் விஜயகுமார், செங்கல்பட்டு மாவட்ட கல்வி அலுவலர் தரவிச்சந்திரன், அரசு அலுவலர்கள் மற்றும் மாணவ மாணவியர்கள் கலந்து கொண்டனர்.
செங்கல்பட்டில் இருந்து நமது குடியுரிமை நிருபர்
அன்பழகன்
