மதுரை : மதுரை மீனாட்சி அரசு கலை கல்லூரி சாலையில், (03.11.2022) மாலை சுமார் 4 மணியளவில் இராஜாஜி அரசு மருத்துவமனையில் இருந்து அமரர் ஊர்தி முன்பாக பல இளைஞர்கள் குடிபோதையில் இருசக்கர வாகனத்தில் ஹார்ன் அடித்து கொண்டும் கத்தி கொண்டும் அதி வேகமாக வாகனத்தை ஓட்டி வந்ததனர். மீனாட்சி கல்லூரியில் மாணவிகள் வகுப்பு முடிந்து வெளியே வந்தனர். அப்போது அதே கல்லூரியில் பயிலும் மாணவியின் தந்தை அவர்களை பார்த்து “ஏம்பா இப்படி போறீங்க, கத்தாம போகலாம்ல” என்று கூறியுள்ளார்.
உடனே வண்டியை நிறுத்திவிட்டு இறங்கி வந்த அந்த இளைஞர் கூட்டம் மகளின் கண் முன்பாகவே அந்த தந்தையை சரமாரியாக தாக்கியுள்ளனர். இதனால் அந்த தந்தை பலத்த காயமடைந்துள்ளார். கல்லூரி வாசலிலேயே நடந்ததால் கல்லூரி மாணவிகளும் அலறியடித்து ஓடினர் பட்டபகலில் ஆயிரக்கணக்கான பொதுமக்கள் வந்து செல்லும் சாலையில் மதுரையின் மைய பகுதி கோரிப்பாளையத்தில் இவ்வாறு நடந்தது பொதுமக்கள் இடையே அதிர்ச்சியை ஏற்படுத்தியுள்ளது தற்போது சமூக வலைதளங்களில் இந்த வீடியோ பரவி வருகிறது.
மதுரையிலிருந்து நமது குடியுரிமை நிருபர்.
திரு.லெட்சர்கான் சாகுல் ஹமீது
