மதுரை : திருமங்கலம் அருகே அழகு சிலை பகுதியில் வாணவேடிக்கை தயாரிக்கு பட்டாசு ஆலை இன்று இயங்கி வந்துள்ளது. இந்த பட்டாசு ஆலையில் இன்று திடீரென வெடி விபத்து ஏற்பட்டது. இதில் 5 அறைகள் முழுவதும் தரைமட்டமானது. இந்த விபத்தில் பட்டாசுகள் வெடித்து சிதறியதில் 5பேர் அங்கங்கே உடல் சிதறி பரிதாபமாக உயிரிழந்துள்ளனர், 13 பேர் படுகாயம் அடைந்துள்ளனர். படுகாயமடைந்தவர்களுக்கு மதுரை அரசு தலைமை மருத்துவமனையில் சிகிச்சை அளிக்கப்பட்டு வருகிறது.
விபத்து குறித்து தகவல் அறிந்த மதுரை மற்றும் திருமங்கலம் தீயணைப்பு வீரர்கள் சம்பவ இடத்துக்கு விரைந்து சென்று தீயை அணைத்தனர். மீட்பு பணிகள் தொடர்ந்து நடந்து வருகிறது. வணிகவரி மற்றும் பதிவுத்துறை அமைச்சர் பி. மூர்த்தி, திருமங்கலம் வட்டம், அழகு சிறை கிராமத்தில் வெடி விபத்து ஏற்பட்டுள்ள இடத்தை நேரில் பார்வையிட்டார். உடன், மதுரை மாவட்ட ஆட்சித்தலைவர் அனிஷ்சேகர், சோழவந்தான் சட்டமன்ற உறுப்பினர் வெங்கடேசன் உள்ளனர். வெடி விபத்து நடைபெற்ற அழகுசிறை கிராமே சோகத்தில் மூழ்கியுள்ளது. வெடி விபத்து நடந்த இடத்தின் அருகே, கிராம மக்கள் பலர் சோகமாக உட்கார்ந்திருந்தனர்.
மதுரையிலிருந்து நமது நிருபர்
திரு.ரவி
