நடுநிலைப்பள்ளி சிறந்த பள்ளியாக தேர்வு!

சிவகங்கை :  சிவகங்கை மாவட்டம், கல்லல் ஊராட்சி ஒன்றியத்துக்கு உட்பட்ட தளக்காவூர் ஊராட்சியில் செயல் பட்டு வரும் நடுநிலைப்பள்ளி தமிழக அரசு மற்றும் பள்ளிக்கல்வித்துறை சார்பில் சிறந்த பள்ளியாக தேர்வு செய்யப்பட்டுள்ளது.1978-ல் துவக்க பள்ளியாக துவங்கப்பட்டு 2004 நடுநிலைப் பள்ளியாக தரம் உயர்த்தப்பட்டு 90 மாணவர்கள் மட்டுமே படித்து வந்த நிலையில் தற்போது 145 பேர் படித்து வருகின்றனர். இப்பள்ளி சிறந்த பள்ளியாக தேர்வு செய்யப்பட்டதற்கு உறுதுணையாக இருந்த பள்ளி தலைமை ஆசிரியர் புஷ்பலதாவை ஊராட்சி மன்ற தலைவர், துணைத் தலைவர், ஊராட்சி மன்ற உறுப்பினர்கள் கிராமபொதுமக்கள் மற்றும் சமூக ஆர்வலர்கள் என அனைவரும் பாராட்டி வருகின்றனர்.