விருதுநகர் : விருதுநகர் மாவட்டம், சிவகாசி மற்றும் சுற்றுவட்டாரப் பகுதிகளில் இன்று காலையில் இருந்து பரவலாக தூறல் மழை பெய்து வருகிறது. சிவகாசி, திருத்தங்கல், பாறைப்பட்டி, மீனம்பட்டி, செங்கமலப்பட்டி, செங்கமலநாச்சியார்புரம், பேராபட்டி, அனுப்பங்குளம், செல்லையநாயக்கன்பட்டி, சித்துராஜபுரம், பேர்நாயக்கன்பட்டி, மாரனேரி, விளாம்பட்டி, மம்சாபுரம், மாதாங்கோவில்பட்டி உட்பட பல்வேறு பகுதிகளிலும் தூறல் மழை விட்டுவிட்டு பெய்து வருகிறது. மேலும் பலத்த குளிர் காற்றும் வீசி வருகிறது. இந்த திடீர் தூறல் மழை காரணமாக சிவகாசி சுற்றுவட்டாரப் பகுதிகளில் உள்ள பட்டாசு ஆலைகளில், பட்டாசுகள் உற்பத்தி செய்ய முடியாத நிலை ஏற்பட்டது. இதனையடுத்து இன்று பட்டாசு ஆலைகளுக்கு விடுமுறை விடப்பட்டது. இதனால் பட்டாசு ஆலை தொழிலாளர்கள் வேலை வாய்ப்பை இழந்துள்ளனர்.
மதுரையிலிருந்து நமது நிருபர்
திரு.ரவி
