விருதுநகர் : விருதுநகர் மாவட்டம், காரியாபட்டி ஒன்றியம், பாப்பணம் கிராமத்தில் இல்லம் தேடி கல்வி மையத்தில் பயிலும் குழந்தைகளுக்கு சமுத்திரம் டிரஸ்ட் சார்பில் தேவையான கல்வி உபகரண பொருட்களான நோட்டு, பேனா, பென்சில், ரப்பர், மை பாட்டில் போன்றவை வழங்கும் நிகழ்ச்சி நடைபெற்றது. மேலும், சுற்றுச்சூழல் பாதுகாப்பு குறித்து விழிப்புணர்வு ஏற்படுத்தி மரக்கன்றுகள் நடும் விழாவும் நடைபெற்றது. இந்நிகழ்ச்சியில், சமுத்திரம் டிரஸ்ட் நிறுவனர் மங்களேஸ்வரி தலைமை வகித்தார். ஓய்வு பெற்ற கிராம உதவியாளரும், பாப்பனம் ஊராட்சி நூலகரமான போஸ் முன்னிலை வகித்தார். இதில், சுமார் 50க்கும் மேற்பட்ட பள்ளி மாணவ மாணவியர்களுக்கு தேவையான உபகரண பொருட்கள் வழங்கப்பட்டது. நிகழ்ச்சியில், இல்லம் தேடிக் கல்வி மைய ஆசிரியர் வீரசத்தியா உட்பட மாணவ மாணவிகள் கலந்து கொண்டனர். சமுத்திரம் டிரஸ்ட் திட்ட ஒருங்கிணைப்பாளர் முத்துராஜா நன்றி கூறினார்.
மதுரையிலிருந்து நமது நிருபர்
திரு.ரவி
