அகில இந்திய காங்கிரஸ் கட்சியின் முன்னாள் தலைவரும் எம்.பி.யுமான ராகுல்காந்தியின் பிறந்தநாளை முன்னிட்டு அக்கட்சியினர் நாடு முழுவதும் பல்வேறு நலத்திட்ட உதவிகளை மேற்கொண்டு உற்சாகமாக கொண்டாடி வருகின்றனர். இதன் ஒரு பகுதியாக திருவள்ளூர் மாவட்டம் மீஞ்சூர், மேம்படுத்தப்பட்ட அரசு ஆரம்ப சுகாதார நிலையை மருத்துவமனையில் ராகுல்காந்தி பிறந்தநாளான இன்று பிறந்த பச்சிளம் குழந்தைகளுக்கு தங்க மோதிரம் வழங்கப்பட்டது. பொன்னேரி காங்கிரஸ் எம்.எல்.ஏ துரை.சந்திரசேகர் இன்று பிறந்த குழந்தைகளுக்கு தங்க மோதிரத்தை அணிவித்தார். தொடர்ந்து மருத்துவமனையில் இருந்த நோயாளிகள் மற்றும் பொதுமக்களுக்கு இனிப்புகள் வழங்கப்பட்டன. அருகில் மீஞ்சூர் கிழக்கு வட்டார செயலாளர் வல்லூர் அரவிந்த் கதிர்வேடு வில்சன் குரு சாலமன் அசன் பிரபு மற்றும் மருத்துவர்கள் காங்கிரஸ் கட்சி நிர்வாகிகள் பலர் உடன் இருந்தனர்.
திருவள்ளூரில் இருந்து குடியுரிமை நிருபர்
திரு. பாபு
