சிவகங்கை : முத்தமிழறிஞர் டாக்டர் கலைஞர் அவர்களின் நூற்றாண்டு விழாவினை முன்னிட்டு வருகின்ற (10.01.2024 மற்றும் (11.01.2024) ஆகிய தேதிகளில் பல்வேறு விளையாட்டு போட்டிகள் மாவட்ட விளையாட்டு அரங்கில் நடைபெறவுள்ளது – மாவட்ட ஆட்சித்தலைவர் திருமதி ஆஷா அஜித், இ.ஆ.ப., அவர்கள் தகவல். முத்தமிழறிஞர் டாக்டர் கலைஞர் அவர்களின் நூற்றாண்டு விழாவினை முன்னிட்டு, தமிழ்நாடு விளையாட்டு மேம்பாட்டு ஆணையத்தின் சார்பில் சிவகங்கை மாவட்டத்தில் (15). வயதிற்கு மேற்ப்பட்டவர்கள் மற்றும் (25) வயதிற்கு உட்பட்ட பெண்களுக்கான கபடி, கால்பந்து, கையுந்துபந்து விளையாட்டு போட்டிகள் சிவகங்கை மாவட்ட விளையாட்டு அரங்கில் (10.01.2024)ம் தேதியும், ஆண்களுக்கான கபடி, கால்பந்து, கையுந்துபந்து விளையாட்டு போட்டிகள் சிவகங்கை மாவட்ட விளையாட்டு அரங்கில் (11.012024)ம் தேதியும் நடைபெற உள்ளது.
இப்போட்டியில், கலந்து கொள்ள விருப்பம் உள்ள அணிகள் தங்கள் அணி பெயர்களை மாவட்ட விளையாட்டு அரங்க 04575-299293 என்ற தொலைபேசி எண்ணில் தொடர்பு கொண்டு பதிவு செய்து கொள்ளலாம். போட்டியில் கலந்து கொள்ளும் வீரர்/ வீராங்கனைகள் வயது சான்று அல்லது ஆதார் கார்டு நகல் பெற்று வர வேண்டும். வெற்றி பெறும் அணிகளுக்கு பரிசுகள் மற்றும் சான்றிதழ்கள் வழங்கப்படும்.போட்டியில் கலந்து கொள்ள விரும்பும் மாணவ / மாணவிகள் தங்களது பெயர்களை வருகின்ற (08.01.2024) (திங்கட் கிழமை) மாலை 6.00 மணிக்குள் மாவட்ட விளையாட்டு அரங்கில் பதிவு செய்திடல் வேண்டும். கூடுதல் விபரங்களுக்கு 04575- 299293 என்ற தொலைபேசி எண்ணில் தொடர்பு கொண்டு பயன்பெறலாம் என மாவட்ட ஆட்சித்தலைவர் திருமதி ஆஷா அஜித், இ.ஆ.ப.அவர்கள் தெரிவித்துள்ளார்.
சிவகங்கையிலிருந்து நமது குடியுரிமை நிருபர்
திரு.அப்பாஸ் அலி
