மதுரை : மதுரை மாவட்டத்திலுள்ள கோயில்களில், அனுமன் ஜெயந்தி விழா கொண்டாடப்பட்டது. மதுரை அண்ணா நகர் வைகை காலனி வகி விநாயகர் ஆலயத்திலும், மதுரை தாசில்தார் நகர் சித்தி விநாயகர் ஆலயத்திலும், மேலமடை சௌபாக்கிய விநாயகர் ஆலயத்திலும், மதுரை அருகேயுள்ள சோழவந்தான் சிவன் கோயில் உள்ள ஆஞ்சநேயர் ஆலயத்திலும், பி.ஆர்.சி. பணிமனை அருகே உள்ள ஆஞ்சநேயர் ஆலயத்திலும், மதுரை தல்லாகுளம் ராமநாதபுரம் சமஸ்தானத்தை சொந்தமான ஜெய வீரர் கோயில் ஆலயத்திலும், அனுமன் ஜெயந்தி முன்னிட்டு, சிறப்பு அபிஷேகங்கள் செய்யப்பட்டு, வடமாலை அணிவிக்கப்பட்டு பூஜைகள் நடைபெற்றது. இதே போல , மதுரை சிவகங்கை சாலையில், ஓடைப்பட்டி கிராமத்தில் அமைந்துள்ள அருள்மிகு சுயம்பு ஆஞ்சநேயருக்கு பக்தர்களால் சிறப்பு அபிஷேகமும் வடமாலையும் அணிவிக்கப்பட்டது.
இதை அடுத்து , விழா குழு சார்பில் பக்தர்களுக்கு அன்னதான வழங்கப்பட்டது. இதற்கான ஏற்பாடுகளை முன்னாள் ஊராட்சி தலைவர் சம்பத் செய்திருந்தார். மதுரை சாத்தமங்கலம், ஆவின் பாலவிநாயகர் ஆலயத்தில், ஈஸ்வரப்பட்டர்தலைமையில், அனுமனுக்கு சிறப்பு அபிஷேகம் நடைபெற்றது. மதுரை கோமதிபுரம் ஜீப்பில் டவுன், ஞானசித்தி விநாயகர் ஆலயம், மதுரை ஆவின் நகர் செல்வ விநாயகர் ஆலயத்தில் உள்ள அனுமனுக்கு சிறப்பு பூஜைகளும், பிரசாதங்கள் வழங்கப்பட்டது. சோழவந்தான், பிரளயநாத சிவன் ஆலயத்தில், தேங்காய்கடை உரிமையாளர்கள் சேகர், சக்தி முருகன், அன்னா முருகன் சார்பில், பக்தர்களுக்கு அன்னதானம் வழங்கப்பட்டது. இதற்கான ஏற்பாடுகளை, கோயில் நிர்வாக அதிகாரி இளமதி, கணக்கர் சி. பூபதி மற்றும் ஆலயப் பணியாளர்கள் செய்திருந்தனர்.
மதுரையிலிருந்து நமது நிருபர்
திரு.ரவி
