விருதுநகர் : விருதுநகரில் நிர்வாகம் சார்பில் 2ம் ஆண்டு புத்தக கண்காட்சி மற்றும் விற்பனை என புத்தக திருவிழா சிறப்பாக நடைபெற்று வருகிறது. புத்தக கண்காட்சி நடைபெறும் பள்ளி வளாகத்தில், 150க்கும் மேற்பட்ட புத்தக விற்பனை அரங்குகள் அமைக்கப்பட்டுள்ளது. இன்று புத்தக கண்காட்சியை, விருதுநகர் அருகேயுள்ள துலுக்கப்பட்டி, சர்வ சேவா மெட்ரிகுலேஷன் பள்ளி, கிருஷ்ணன் கோவில் பகுதியில் உள்ள லிங்கா நோபல் மெட்ரிக்குலேஷன் பள்ளி, சிவகாசி பகுதியில் உள்ள எஸ்.சி. எஸ். நர்சிங் கல்லூரியை சேர்ந்த ஏராளமான மாணவ, மாணவிகள் உற்சாகத்துடன் பார்வையிட்டனர். மேலும் கண்காட்சி வளாகத்தில் நடைபெற்ற பாரம்பரிய இசை நிகழ்ச்சி, நாட்டுப்புற கலைகள் உள்ளிட்டவற்றையும் மாணவ, மாணவிகள் ஆர்வமுடன் பார்த்து மகிழ்ந்தனர். தங்களுக்கு தேவையான புத்தகங்களையும் மாணவர்கள் வாங்கி மகிழ்ந்தனர். புத்தக கண்காட்சிக்கு ஏராளமான பொது மக்களும் தினசரி வருகை தந்து கலை நிகழ்ச்சிகளை பார்த்து ரசிப்பதுடன், தங்களுக்கு தேவையான புத்தகங்களையும் ஆர்வமுடன் வாங்கிச் செல்கின்றனர்.
மதுரையிலிருந்து நமது நிருபர்
திரு.ரவி
